Sinopse

Érase un barrio de pisos altos. Un barrio de xente que traballa. Un barrio de rúas anchas, con poucos coches, con nenos xogando, con nais e pais que se asoman ás fiestras para chamalos.
Dous amigos, Cucho e Coco, están a argallar na rúa. Cucho está moi contento porque xa ten seis anos e pensa que iso é moito, así que quere celebralo, pero o seu amigo Coco está covencido de que non é certo: seis é pouco. Así que agora están ante un dilema, un dilema "de maiores": seis… é moito ou é pouco? Só poden facer unha cousa: comezar a investigar e preguntarlles ás persoas máis intelixentes do barrio para averiguar a resposta, pero todas son contraditorias.
Cando cren que teñen resolto o dilema, unha nova información lévaos de novo ao comezo da súa investigación.
Seguirán adiante ata conseguir resolver o Dilema do Seis?

Autor: Celestino Antelo
Manipuladores: Manuela Varela, Alfredo Padilla
Dirección: Jorge Rey
Público a que vai dirixido: infantil (a partir de 4 anos)
Duración: 50 min.
Técnica: muppets

Sinopse

¿Sería posible contar unha historia con catro palabras? Unha pregunta que sona a reto para o valente protagonista desta historia, un peixiño que só sabe decir ¡Miau! Un ¡Miau! que provoca una desafortunada resposta por parte da fauna marina composta por peixes multicolores e un polbo que só acertan a dicir "¡non!". Un "¡non!" lóxico nun universo marino onde o guay,lo propio e "políticamente correcto" é dicir "¡glub!".
¿Que ten que suceder en Babiliglub, unha obra de marionetas en luz negra que nada nun mar de música, movemiento e cor para que se poida proferir o ansiado "sí" que o espectador espera? Xa o verás.
¡Miau!, ¡no!, ¡glub!, ¡sí!, catro palabras. Un discurso pola tolerancia e a aceptación da diferencia.

Xénero: Teatro de marionetas

Duración: 35 minutos

Público ao que vai dirixido: Infantil, de 1 a 3 años

Autora e directora: Andrea Bayer

Elenco: Óscar Ferreira, Rogelio Lema, Xurxo Cortázar

Sinopse:

Hai que ter mil mañas para saír con ben de dentro do saco do Home do Saco, ou para demostrar que non es ningún paspán, ou para que unha irmá lle salve a vida ao seu irmán. Hai que ter mil mañas para gañarlle a un lobo, e a un oso, e a un moucho. Hai que ter mil mañas para enredar a un trasno, ou para atopar unha herba que te faga inmortal. Hai que ter mil mañas para cantar sen saber cantar, bailar sen saber bailar, e contar, contar, contar.

Xénero: Contacontos

Público ao que vai dirixido: Infantil

Sinopse

Bel perdeu ao seu can chamado Sultán. A Ana esvaeceuselle a súa planta Anastasia. Todo aconteceu á vez dun xeito enigmático e inexplicable.

Ámbalas dúas son moi diferentes, pero, unidas polo azar, comezan a traballar xuntas co fin de descubrir a causa da misteriosa desaparición das súas mascotas, sen se decatar de que a búsqueda que inician é a un tempo unha forma de resolver a intriga e un estraño camiño para construír entre elas unha verdadeira amizade.

Público ao que vai dirixido: Infantil

Escrita e dirixida por: Charo Pita

Elenco: Diana Mera e Marta Pérez.